رواية أسيرة سمائه (كاملة الفصول) بقلم شروق أسامه

 الفصل الأول

احببته ولكنه كرهني اردته ولكنه رفضني امتلكته ولكنها أوهااام

أيوب : يا غمراني بيه أنا مش مصدق نفسي معقولة حضرتك طالب بنتي أنا لابن سعتك

الغمراني: أيوة يا أيوب وكتب الكتاب هيكون الخميس الجاي

ايوب: ايوة سعتك بس ...

الغمراني : أيه هتكسر كلمتي يا أيوب مكنتش متوقعها منك.

أيوب : أبدًا يا بيه أنا وبنتي تحت أمرك دا احنا لحم كتافنا من خيركم بس..

الغمراني: بس أيه تاني يا أيوب أنت عارف إني مبحبش اكرر كلمتي مرتين

أيوب : ابدا يا بيه أنا تحت امرك.

أيوب لنفسه( الحمد لله يارب إني مش هسيبها لوحدها ملهاش حد الحمدلله يارب )

ثم يذهب أيوب لابنته تلك الحسناء التي تبلغ من العمر 20 عاما عيناها بلون العسل وشعرها كالليل بشرتها بيضاء شفتاها كالكرز خدودها بلون الفراولة جمالها يسكر العقل.

وجدها أيوب شاردة الذهن وحين اقترب وجد بضع دمعات كالؤلؤ على هذا الخد الملائكي

سألها ابيها بلهفة :مالك يا أريام فيكي ايه يا بنتي

أريام : ماتت يا بابا ماتت

أيوب: مين دي يا بنتي اللي ماتت

أريام: بطلة الرواية يا بابا

أيوب: يا شيخة قلقتيني، اعقلي بقا علشان في موضوع مهم عاوز اكلمك فيه

أريام : موضوع ايه ؟؟!

أيوب: جالك عريس وأنا موافق عليه وفرحك يووم الخميس الجاي.

أريام: ايه يا بابا يا حبيبي الافلام العربي القديمة دي أنا هقوم احضرلك العشاء.

أيوب : طيب يا بنتي قومي بس عموما أنا كنت بتكلم بجد أنتِ فرحك يوم الخميس الجاي.

نظرت لأبيها نظرة استغراب وعدم تصديق وسألته بابا هو دا مش هزار.

ايوب:لا مش هزار أنتِ فرحك الخميس الجاي .

أريام : ومين بقا اللي عجبك لدرجة انك هتجوزني ليه من غير حتى ما تاخد رأيي يا بابا.

ايوب: مراد بيه الغمراني.

وكأن الاسم وحده اسكر عقلها فهو حبيبها الاول بطل احلامها وفارس قلبها وكأنها لا تصدق انه يريدها كما تريده يحبها كما تحبه ولكن كيف هل يعلم بوجودها من الاساس فهو اصلا لا يراها.

أريام: ازاي يعني يا بابا هو مش مسافر كمان هو يعرفني منين وبعدين يابابا هو مش احنا حضرنا فرحه من خمس سنين يبقى هيتجوزني ازاي.

ايوب : طلق مراته من سنة وراجع بكرة إن شاء الله والغمراني بيه طلبك مني النهاردة وحدد معاد الجواز كمان واكيد انا مش هلاقيلك جوازة أحسن من كدا انا كبرت يا بنتي وخايف أموت قبل ما اطمئن عليكي.

أريام: اللي تشوفه يا بابا.

كانت حزينة ومشتاقة وسعيدة كانت مشاعرها مشوشه حزينة لأن لم يكن لها رأى في زواجها حتى ولو تعشقه فهي إنسانة يحق لها الاختيار وابداء الرأى ،ومشتاقة لأنها منذ مدة كبيرة لم تراه فعينيها يشتاقان لرؤية فارسها ومعشوقها، وسعيدة لأنه سيصبح ملكها يوم الخميس القادم.

يوم الاحد في قصر الغمراني

تجلس هذه المرأة الجميلة (صفاء) ترتدي حجاب باللون الاسود وفستان يجمع بين اللونين الاصفر والاسود تنتظر باشتياق وليدها ذاك الابن التى لا تملك غيره فهو الابن الوحيد لعائلة الغمراني، مراد الغمراني

ويجلس معها الغمراني ايضا ينتظر ابنه ووحيده وسنده ويتحدثان

صفاء : ابني وحشني اوي يا غمراني وحشني ريحته وحشني اشوفه وحشني صوته مش عارفه هو ليه رفض اني اقعد معاه قلبي بيتقطع عليه اوي .

الغمراني :ابني اتبدل من ساعة اللي حصله وبعدها اللي عملته مراته فيه كسرته منها لله

يقطع حديثهم دخول رجل يافع في ال32 من عمره عيناه بلون السماء وشعره كثيف بلون البندق وقمحاوي اللون قوي البنية يرتدى قميص باللون الابيض يفتح اول ازراره ويكشف عن ساعديه ويضع على كتفه جاكت البدلة السوداء بإهمال ويضع علي عينيه نضارة سوداء ومعه مساعده الشخصي وصديقه أيضًا عماد

تجري عليه صفاء هانم: مراد حبيبي وحشتني وتضمه إلى صدرها بكل حب

مراد : شكرا يا ماما وانتِ كمان

الغمراني : اخيرا قررت تعترف أن لك أهل تقعد معاهم وتزورهم.

مراد :حضرتك اللي اجبرتني على كدا انا كنت مبسوط برة ومرتاح ومش مقصر في أي شغل بتطلبه

صفاء: يبني وحشتنا احنا بنكبر ومحتاجينك معانا

مراد: مظنش أبدا أن واحد أعمى زيي ممكن يفيدكم بحاجة عن اذنكم.

يذهب مراد باتجاه السلم ليذهب إلى غرفته ولكنه يخبط في ترابيزة الصالون ويقول بابتسامة باهته: هرجع اتعود على المكان علاء

علاء : حاضر يا فندم

يعطيه علاء عصايته ويتحرك بها إلى أن يصل إلى ثالث غرفه بجهة اليمين من السلم يفتح بابها ويقرر أن ينام بملابسه فهو متعب وتلك السفرية لم يكن يريدها ولكنه لن يستطيع ان يعصي لأبيه امرا فأبسط ما يفعله أباه حرمانه من وظيفته وبيته وكل شيء ، يغمض عينيه ويذهب في نوم عميق

في الأسفل

صفاء: شايف يا علاء عمايل صحبك

علاء: معلش يا صفاء هانم حضرتك عارفة أنه اتغير كتير بعد اللي مر بيه صدقيني هو موجوع وكمان هو مجاش هنا بإرادته

الغمراني: ولسة لما يعرف المفاجأة بتاعتي له

صفاء: مفاجأة ايه دي ؟؟؟؟

الغمراني : منا لو قولت مش هتبقى مفاجأة ،، تعالى معايا يا علاء انا رايح الشركة .

علاء: حاضر يا فندم.

في الشركة : جهز للحفلة يوم الخميس الجاي يا علاء وتعزم كل كبارات البلد عاوز حفلة تتكلم عنها كل السوشيال ميديا اسبوع قدام عاوز حفل اسطورى.

علاء: تحت امرك يا فندم بس بمناسبة أيه الاحتفال دا؟؟

الغمراني :حفل زفاف ابني مراد.

الفصل الثاني من هنا